کوچه توکانین قار ائله هورمشدور که ، چتین چاشمامیش تاپا بیلیدون.
یددی لیک چراغین بوغونتو ایشیغیندا بو تو کانین کیچیک فضاسی داها
شبحه لی گورونوردو.
خونچالاردا قارما -قاریشیق گورونن کیفسه میش کوره که (قورقا) قوری قاخ
شیره لی خورما، سبزه کشمیش ، طاغلاردا یوماق ساپلار :آغ ، قره ، قرمیزی
بنوش .
بانکالاردا ساری کوک ،ایستی اوت ، اوشاق امزیگی ،چوبوق باشی ، باش داراغی
گوزه چیرپیردی .
یایین ایستی سینده یوموشالیب قیراغی آخان ساققیزین اوزونه قونموش توز -
تورپاقدان ، آغ یا قارالیغی بیلینمیردی .
توکانین دالیندا شوکه قریق اودون ، کومور خکه سی ، قره قورود هابئله نووت
بشکه سی دوروردو.
آنجاق موتال شورونون قوخوسون توکانا گیرمه میش ده دویابیلردین
داش تره زی ده گورمه لی دی یاریم مثقال دان توتموش دیرم یاریما کیمی
قاجار دوروندن قالان قره پول ، دیلی چیخمیش زینقروو نال پاراسی - یاریم
استیل قاپی دووه ن - استیل اوجسوز کولونگ و استیل دن یوخاری چایین هامار
داشلاری ایدی کی ییغیب توکموشدو تره زینین آلتینا .
توکانین ان گورکملی ، گوزه ده ین شیئلریندن بیری قودی عمی نین اوزو، بیری ده
زنجیره آسیلمیش بورونج گوزلو تره زیسی یدی
گونش کتابی
تزلیک ده بقیه سینده یازیب تقدیم ائیلرم